20 лютага ў Мінгарвыканкаме пад кіраўніцтвам намесніка старшыні Ігара Карпенкі адбылася нарада аб укараненні сістэмы арыентавання для пешаходаў і ўдзельнікаў дарожнага руху ў горадзе Мінску.
У чарговы раз паўстала пытанне аб зацвярджэнні схемы метрапалітэна з назвамі станцый, аформленых традыцыйнай нацыянальнай лацінкай. І.Карпенка выказаўся, што трэба замяніць шыльды: унесці дадаткова рускую мову і, верагодна, што транслітарацыя будзе рабіцца з рускай мовы.
Гэта азначае, што Карпенка выступае прыхільнікам, а магчыма і ініцыятарам зменаў у «Закон аб назвах геаграфічных аб’ектаў», прынятым ў лістападзе 2011 года, паводле якога назвы геаграфічных аб’ектаў павінны давацца на нацыянальнай (беларускай) дзяржаўнай мове і з яе транслітаравацца на другую дзяржаўную мову. Парадаксальна, што сам І.Карпенка, будучы дэпутатам палаты прадстаўнікоў, галасаваў за гэты закон. Але не прайшло і два гады…
Змены ў законе пацягнуць за сабой у тым ліку змену адраснай сістэмы краіны насуперак усім міжнародным нормам. Гэта пацягне за сабой вялікія матэрыяльныя выдаткі.
А самае галоўнае, пры такім падыходзе знішчаецца нацыянальны каларыт краіны.
Канчатковае вырашэнне пытання адбудзецца ў Адміністрацыі прэзідэнта.
Цяпер чытаюць
«Народ павінен на гэту ўладу маліцца». Лукашэнка патрабуе, каб пасля арміі хлопцы вярталіся строга на ранейшыя месцы працы9
«Народ павінен на гэту ўладу маліцца». Лукашэнка патрабуе, каб пасля арміі хлопцы вярталіся строга на ранейшыя месцы працы
Стаў героем Магілёўскага ўнівера, збіраў фальклор, працаваў на беларусізацыю садкоў — расказваем пра Яўгена Бойку, асуджанага за салідарнасць з палітвязнямі77
Каментары