Супрацоўнікі МУС на Дзень Незалежнасці 3 ліпеня будуць несці службу ва ўзмоцненым рэжыме. Пра гэта журналістам расказаў начальнік галоўнага ўпраўлення аховы грамадскага парадку і прафілактыкі міліцыі грамадскай бяспекі МУС Аляксандр Купчэня, піша БелТА.
«Рашэннем міністра ўнутраных спраў асабовы склад будзе пераведзены на ўзмоцнены варыянт нясення службы. Службу будзем несці як у форме, так і ў грамадзянскім адзенні. Усе месцы правядзення масавых мерапрыемстваў будуць узяты пад наш кантроль, у тым ліку з выкарыстаннем магчымасцей рэспубліканскай сістэмы маніторынгу грамадскай бяспекі», — сказаў Аляксандр Купчэня.
Таксама будуць узмоцнены меры бяспекі на аб’ектах транспарту і ў іншых месцах масавага знаходжання грамадзян.
«У мэтах забеспячэння бяспекі на святочных лакацыях будзе арганізавана работа кантрольна-прапускных пунктаў з надглядам грамадзян і іх рэчаў з выкарыстаннем, у тым ліку, металадэтэктараў», — расказаў Аляксандр Купчэня. Для ветэранаў, людзей з інваліднасцю і грамадзян з малалетнімі дзецьмі будуць прадугледжаны асобныя пункты пропуску.
У рэжымную зону не будуць дапушчаны асобы з забароненымі прадметамі.
Аляксандр Купчэня адзначыў, што паблізу месцаў правядзення святочных мерапрыемстваў рух транспартных сродкаў будзе абмежаваны. У асобных месцах будуць зменены маршруты руху грамадскага транспарту.
Памятаеце выпускніка інстытута ФСБ, які раскатваў па Гродне са сцягам Наваросіі? Цяпер ён стаў варшаўскім бізнэсменам29
Каментары