Эканоміка33

У Беларусі зарэгістраваныя больш за 2 тысячы аграсядзіб

У Беларусі зарэгістраваныя 2.054 аграсядзібы, паведаміла БелаПАН старшыня праўлення Беларускага грамадскага аб’яднання «Адпачынак у вёсцы» Валерыя Кліцунова.

Паводле яе слоў, у канцы 2012 года ў краіне налічвалася 1.775 аграсядзіб, у канцы 2011-га — крыху больш за 1,5 тысячы. Як паведаміла Кліцунова, сельскім турызмам у Беларусі займаюцца як гараджане, гэтак і мясцовыя жыхары. Многія з уладальнікаў сядзіб мелі вопыт вядзення бізнесу раней.

Сельскі турызм — гэта сфера, у якой гаспадары сядзіб могуць самавыяўляцца і рабіць тое, што ім падабаецца, мяркуе Кліцунова. «Нехта любіць актыўны адпачынак, рыбалку, сплаў на байдарках, будуе вяровачныя гарадкі, арганізоўвае камандныя гульні. Тыя, хто любіць сямейны ціхі адпачынак, арыентуюцца на сем’і і думаюць, як арганізаваць вольны час мужа, жонкі і дзіцяці. Некаторыя сядзібы аб’ядноўваюцца і ствараюць зялёныя маршруты, прасоўваючы цэлы рэгіён», — зазначыла яна.

Летась, паводле слоў Кліцуновай, беларускія сядзібы прынялі каля 220 тыс. наведвальнікаў, у 2011 годзе — 145 тыс. «Гэта развівае сельскую мясцовасць. Турысты прыязджаюць у вёску і пакідаюць там грошы, ходзяць у мясцовыя магазіны», — паведаміла кіраўнік аб’яднання. Паводле яе слоў, гаспадары сядзіб таксама робяць унёсак у развіццё вёсак, бо карыстаюцца паслугамі мясцовых жыхароў.

Як зазначыла Кліцунова, патрабаванні наведвальнікаў да аграсядзіб апошнім часам узрастаюць, турысты з часам становяцца «больш дасведчанымі» і параўноўваюць беларускія сядзібы з замежнымі. На думку спецыяліста, для прыцягнення турыстаў гаспадарам сёння варта паклапаціцца і пра брэнд свайго раёна, прадумаць забаўляльную праграму знаходжання гасцей як у добрае надвор’е, гэтак і ў дажджлівае.

Кіраўнік турыстычнага партала Holiday.by Андрэй Барашка мяркуе, што ў Беларусі не хапае крэатыўных і цікавых сядзіб. На яго думку, сучаснаму турысту «патрэбныя не толькі сцены», а яшчэ і забавы і актыўны адпачынак, дзеля якіх яны могуць адправіцца на сядзібу.

«За некалькі гадоў людзі пракаціліся па многіх аб’ектах і, напэўна, ужо не хочуць паўтараць гэты цыкл, калі нічога не мяняецца. Для вяртання кліента ўжо недастаткова прапанаваць яму спецыяльную цану, таму што ён быў ужо ў гэтай мясцовасці і ведае, што там добра, але гэтак жа добра, як і год-два таму», — сказаў эксперт.

На яго думку, развіццё агратурызму ў Беларусі можа тармазіць заканадаўства: гэтыя суб’екты гаспадарання вызваленыя ад паўнацэннага падаткаабкладання, але калі яны прапануюць наведвальнікам харчаванне, аніміраваныя экскурсіі і іншыя забавы, ім давядзецца весці паўнацэнную прадпрымальніцкую дзейнасць.

Разам з тым, зазначае Барашка, у Беларусі ёсць цікавыя сядзібы, але яны «недастаткова раскручаныя».

Каментары3

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Ціханоўскі — беларусам: «Калі вы чакалі знак, то вось ён». Прайшла прэс-канферэнцыя з вызваленымі палітвязнямі

Усе навіны →
Усе навіны

Пазняк пра вызваленне палітвязняў: Яны крычалі: «душыць санкцыямі». Тое, што мы бачым — падрыхтавалі іншыя102

«Казырамі не раскідваюцца. Бацька перайграў і знішчыў». Як прапаганда патлумачыла вызваленне Ціханоўскага19

Франак Вячорка пра Ціханоўскага і іншых вызваленых: Спісы мяняліся ў самы апошні момант19

З чым Келаг параўнаў Палац незалежнасці Лукашэнкі?9

«Пабачыў шмат крыві». Сябар 43-гадовага Змітра Каспяровіча расказаў, як знайшоў яго цела3

Вызваленыя грамадзяне Латвіі — Юрыс Ганіньш і Дзмітрыйс Міхайлаўс

Перамовы Лукашэнкі і Келага пачаліся яшчэ ўчора. Эйсмант расказала дэталі6

Наталля Эйсмант пракаментавала вызваленне вязняў на просьбу ЗША. Асобна — пра Ціханоўскага19

Праўладны аналітык Шпакоўскі спрабуе патлумачыць, што хацеў Лукашэнка ад ЗША13

больш чытаных навін
больш лайканых навін

Ціханоўскі — беларусам: «Калі вы чакалі знак, то вось ён». Прайшла прэс-канферэнцыя з вызваленымі палітвязнямі54

Ціханоўскі — беларусам: «Калі вы чакалі знак, то вось ён». Прайшла прэс-канферэнцыя з вызваленымі палітвязнямі

Галоўнае
Усе навіны →

Заўвага:

 

 

 

 

Закрыць Паведаміць