На сустрэчы міністраў замежных спраў краін Еўрасаюза і Усходняга партнёрства ў Брусэлі беларускі бок выступіў за адмену санкцый ЕС, паведаміў кіраўнік МЗС Беларусі Уладзімір Макей у інтэрв’ю вузкаму колу прадстаўнікоў дзяржаўных СМІ.
«Мы мяркуем, што адносіны да ўсіх краін Усходняга партнёрства павінны ажыццяўляцца на раўнапраўнай, недыскрымінацыйнай аснове. Мы выразна заявілі пра тое, што санкцыі, якія зараз існуюць з боку Еўрасаюза ў дачыненні да Беларусі, павінны быць адменены, бо яны шкодзяць нашым стасункам і не ідуць на карысць ні Беларусі, ні Еўрапейскаму саюзу», — заявіў Макей, фрагменты інтэрв’ю якога былі паказаны па беларускіх тэлеканалах.
«Мы ясна артыкулявалі тое, што менавіта дыялог, раўнапраўны і паўнавартасны, павінен быць сродкам вырашэння ўсіх існых праблем», — сказаў міністр.
Макей зазначыў, што Беларусь з’яўляецца для Еўрапейскага саюза вельмі важным партнёрам. «Мы забяспечваем бесперабойны транзіт вуглевадародаў у Еўропу, мы забяспечваем бесперабойны транзіт грузаў, мы змагаемся з трансмежавай злачыннасцю, мы змагаемся з гандлем людзьмі на нашых межах, мы змагаемся з міжнародным наркагандлем і
«Для нас, вядома, крышку дзіўна, што шэраг прапаноў па гэтых і іншых кірунках знаходзяцца на стале ў Еўрапейскага саюза і не атрымліваюць належнай рэакцыі, у тым ліку і ў межах праграмы „Усходняе партнёрства“, — сказаў ён. — Тая ідэя інтэграцыі інтэграцый, з якой выступіў наш прэзідэнт нейкі час таму і якая прадугледжвае больш цеснае супрацоўніцтва паміж Еўрапейскім саюзам і будучым Еўразійскім эканамічным сазам, у перспектыве будзе адназначна запатрабаваная».
Асноўным пытаннем сустрэчы кіраўнікоў МЗС краін ЕС і УП была падрыхтоўка да лістападаўскага саміту Усходняга партнёрства ў Вільні.
Цяпер чытаюць
«Дзед будзе глядзець асабіста. Калі яму спадабаецца…» Зянковіч расказаў, як з ім запісвалі першае інтэрв'ю ў СІЗА КДБ10
Каментары