У студзені-ліпені продаж гарэлкі ў Беларусі скараціўся на 11,1% у параўнанні з аналагічным леташнім перыядам. Паводле звестак Белстата, летась назіраўся рост продажу гэтага алкагольнага напою.
За сем месяцаў прададзена 6 млн. 183,7 тыс. дал гарэлкі, яе доля ў агульным аб’ёме продажу алкаголю склала 47,2% (у студзені-ліпені 2012 года — 49,8%).
У студзені-ліпені 2013 года праз рознічную (гандлёвую) сетку рэалізавана алкагольных напояў і піва на 12,9 трлн. рублёў, што ў рознічным тавараабароце гандлю складае 11,5%.
Піва за сем месяцаў гэтага года прададзена 21 млн. 397,7 тыс. дал, на 6,6% больш аналагічнага леташняга паказчыка. Доля гэтага напою ў агульным аб’ёме продажу алкаголю склала 16,3% (за студзень-ліпень2012-га — 14,4%).
Лікёра-гарэлачных вырабаў рэалізавана 887,2 тыс. дал (на 22,6% менш), вінаградных він — 2 млн. 42,1 тыс. дал (на 15,3% больш), пладовых він — 6 млн. 452,8 тыс. дал (на 6,5% менш). Пладовыя віны занялі 22,2% у аб’ёме продажу алкагольнай прадукцыі (у студзені-ліпені 2012 года таксама 22,2%).
Каньяку і брэндзі прададзена 200,8 тыс. дал (на 47,3% больш), пеністых він і шампанскага — 752,9 тыс. дал (на 6,4% менш), слабаалкагольных напояў — 516,9 тыс. дал (на 3,7% больш).
Усяго ў абсалютным алкаголі прададзена 5 млн. 237,1 тыс. дал алкагольных напояў і піва (на 6,3% менш).
Каментары