Раскрыта забойства жанчыны, знойдзенай у пачатку верасня каля станцыі Мінск-Паўночны
У забойстве падазраецца раней неаднаразова судзімы 51-гадовы мужчына без пэўнага месца жыхарства.
Супрацоўнікі крымінальнага вышуку МУС і ГУУС Мінгарвыканкама сумесна з калегамі са Следчага камітэта і Дзяржаўнага камітэта судовых экспертыз раскрылі забойства 43-гадовай мінчанкі, паведамляе БелаПАН.
Пра гэта паведаміла ўпраўленне інфармацыі і грамадскіх сувязяў Міністэрства ўнутраных спраў Беларусі.
Раніцай 9 верасня электрамеханікі чыгуначнай станцыі Мінск-Паўночны падчас планавага абходу непадалёк ад 2-га завулка Розы Люксембург знайшлі труп жанчыны з цялеснымі пашкоджаннямі твару і шыі.
Падчас правядзення аператыўна-вышуковых мерапрыемстваў праваахоўнікі высветлілі, што да забойства мае дачыненне раней неаднаразова судзімы 51-гадовы мужчына без пэўнага месца жыхарства.
Было ўстаноўлена, што падазроны і загінулая пазнаёміліся ў дзень учынення злачынства. Пасля сумеснага распівання спіртнога ў іх узнік канфлікт, падчас якога мужчына задушыў сваю ахвяру.
Падазроны затрыманы, у дачыненні да яго распачата справа на падставе ч. 1 арт. 139 КК, якая прадугледжвае да 15 гадоў пазбаўлення волі. Праваахоўнымі органамі праводзіцца комплекс следчых дзеянняў і аператыўна-вышуковых мерапрыемстваў, накіраваных на збор доказаў.
Цяпер чытаюць
Дачка суддзі, якая жыўцом згарэла ў судзе ў Слуцку ў 1967-м, расказала, як склалася жыццё іх сям’і пасля гучнай трагедыі5
Каментары