Прэзідэнт ЗША Барак Абама і яго жонка Мішэль, а таксама віцэ-прэзідэнт Джозэф Байдэн не паедуць на адкрыццё Алімпіяды- 2014 у Сочы.
Пра гэта паведамляе USA Today.
Амерыканскую дэлегацыю на адкрыцці Алімпіяды-2014 узначаліць прэзідэнт Універсітэта Каліфорніі, былы міністр нацыянальнай бяспекі ЗША Джанэт Напалітана.
Таксама ў складзе дэлегацыі адправяцца амбасадар ЗША ў Расіі Майкл Макфол, памочнік прэзідэнта ЗША Роберт Наборс, былая тэнісістка Білі Джын Кінг і алімпійскі чэмпіён—1998 па фігурным катанні Браян Байтана.
На цырымоніі закрыцця Алімпіяды дэлегацыю ўзначаліць першы намеснік дзяржсакратара ЗША Уільям Бернс.
Разам з ім у склад дэлегацыі ўвойдуць Макфол, 5-разовая алімпійская чэмпіёнка па хуткасным бегу на каньках Боні Блэр, срэбраны і бронзавы прызёр Алімпіяды па хакеі сярод жанчын Кейтлін Кеха і пяціразовы алімпійскі чэмпіён па канькабежным спорце Эрык Хэйдэн.
Як вядома, на Алімпіядзе-2012 у Лондане дэлегацыю ўзначальвала Мішэль Абама, а на адкрыцці зімовай Алімпіяды -2010 у Ванкуверы — віцэ-прэзідэнт Джозэф Байдэн.
У 2008-м дэлегацыю на Алімпіяду ў Пекіне ўзначаліў Джордж Буш-малодшы, які займаў тады пасаду прэзідэнта. Ён прыняў удзел у цырымоніі адкрыцця зімовых Алімпійскіх гульняў-2002 у Солт-Лэйк-Сіці.
Варта таксама адзначыць, што 12-разовая пераможца турніраў Вялікага Шлема Білі Джын Кінг і хакеістка Кейтлін Кеха, уключаныя ў дэлегацыю, вядомыя сваёй нетрадыцыйнай сэксуальнай арыентацыяй.
На думку амерыканскіх СМІ, уключэнне ў лік дэлегатаў адкрытых лесбіянак было задумана спецыяльна, каб «даслаць выразны сігнал» аб нязгодзе Амерыкі з «антыгейскімі» законамі ў Расіі.
Раней у ЗША адмовіліся ад уключэння ў склад дэлегацыі на Алімпіяду ў Сочы асоб у сувязі з нязгодай з расійскім законам аб забароне гей-прапаганды.
Па той жа прычыне ад паездкі на гульні адмовіліся прэзідэнт Францыі Франсуа Аланд і прэзідэнт Германіі Іахім Гаўк.
Цяпер чытаюць
Дзмітрый Лукашэнка хоча паставіць пад кантроль усе мабільныя тэлефоны6
Каментары