Сваё рашэньне адносна «Эўрапейскага маршу» гарадзкія чыноўнікі дашлюць лістом сёньня вечарам ці заўтра раніцай.
Учора заяўнікі «Эўрапейскага маршу» правялі першую частку перамоваў з чыноўнікамі з Менгарвыканкаму аб дазволе на правядзеньне акцыі на 14 кастрычника. У панядзелак бакі так і не прыйшлі да адзінага меркаваньне, таму плянавалася, што перамовы працягнуцца сёньня.
Аднак, як паведаміў «Нашай Ніве» старшыня аргкамітэту «Эўрамаршу» Віктар Івашкевіч, яму сёньня патэлефанавалі з гарвыканкаму і паведамілі, што ніякіх перамоваў у аўторак ня будзе. Сваё рашэньне гарадзкія чыноўнікі дашлюць лістом сёньня вечарам ці заўтра раніцай.
На сераду ж а адзінаццатай раніцы ва ўправе Партыі БНФ заплянаваная прэс-канфэрэнцыя заяўнікаў «Эўрапейскага маршу». Чакаецца, што менавіта на ёй палітыкі з пэўнасьцю адкажуць, дзе і ў якім фармаце пройдзе акцыя 14 кастрычніка.
Каментары