Архіепіскап Віцебскі і Аршанскі Дзімітрый стаў лаўрэатам прэміі Канстанціна Астрожскага
Паседжанне капітула прэміі пад кіраўніцтвам рэдактара часопіса «Праваслаўны агляд» («Przegl?d Prawosławny») адбылося 11 студзеня.
Акрамя віцебскага іерарха сярод узнагароджаных Мітрапаліт Месагейскі і Лаўраатыйскі Нікалаас (Грэцыя), манашкі манастыра Святой Тэклі ў Маалюле на чале з ігуменняй Пелагеяй (Сайаф, Сірыя), Міжнародная асамблея праваслаўных парламентарыяў і этнограф Дарафей Фіонік.
Яны ўзнагароджаныя за ўклад у развіццё праваслаўнай думкі, культуры і духоўнасці, а таксама за дзейнасць па яднанні хрысціянаў.
Архіепіскап Дзімітрый, па адукацыі інжынер, прыняў манаскі пострыг у 1977 годзе, а яго біскупскае служэнне пачалося ў 1989 годзе, так што яно прыпала на гады аднаўлення царквы ў Беларусі — у духоўным і матэрыяльным сэнсе.
Яго працу можна вымераць колькасцю пабудаваных храмаў і манастыроў, нядзельных школ, аднаўленнем Віцебскай духоўнай семінарыі.
Варта ўзгадаць, што першым месцам яго служэння была Полацкая епархія — першая з прыняўшых хрысціянства на Беларусі. Калі была створаная Віцебская епархія, там было 9 цэркваў і дванаццаць святароў, а зараз у ёй 187 прыходаў з 143 храмамі, дзе служаць 178 святароў.
Канстанцін-Васіль Канстанцінавіч Астрожскі сын вядома вайсковага дзеяча і вялікага гетамана ВКЛ Канстанціна Астрожскага. Нарадзіў ў 1526 годзе ў Тураве. У 1559 годзе стаў ваяводам кіеўскім. Быў адданым прыхільнікам праваслаўя. Канстанцінопальскі патрыярх Іерамія II, высока ацэньваючы пабожныя памкненні князя ў адносінах да Царквы, у сваіх граматах называў яго захавальнікам і паборнікам ладу ў Царкве на ўсіх паўднёва-заходніх землях Вялікага Княства Літоўскага. У сваіх уладаннях Астрожскі заснаваў больш чым 600 цэркваў і 20 манастыроў, пры многіх з іх дзейнічалі шпіталі і школы. У 1575 годзе князь запрасіў Івана Федаровіча (Івана Фёдарава) для арганізацыі друкарні ў сваёй рэзідэнцыі. Дзякуючы Астрожскай друкарні свет пабачылі больш за 20 выданняў, у тым ліку Біблія славянскаю моваю.
Узнагарода імя князя Канстанціна-Васіля Астрожскага заснаваная ў 1989 годзе і прысуджалася ўжо 25 разоў. Традыцыйна яна ўручаецца падчас Вялікадня на міжнародным фестывалі духоўнай музыкі ў Гайнаўцы (Польшча).
-
Сёстрам Груздзевым не дазволілі выступіць на галоўным форуме ў Дзень адзінства, а падпісчыкі западозрылі іх у здрадзе
-
Ізраіль унёс у чорны спіс сотні крыптакашалькоў, меркавана, звязаных з іранскімі спецслужбамі. Заблакаваныя $1,5 мільёна
-
Саша Філіпенка: Статкевіч — глыба, але ў Беларусі ўжо дастаткова Мандэлаў на квадратны метр
Цяпер чытаюць
«Арабскі шэйх засунуў даляры ў кішэню». Блогер Vadimati Ермашук цяпер працуе ахоўнікам люксавых буцікоў6
Каментары