Мінскія крамы і кавярні, а таксама чыгуначны вакзал і аэрапорт абавяжуць забяспечыць доступ да Wi-Fi напярэдадні ЧС-2014 па хакеі
Кафэ і крамы павінны забяспечыць гасцям ЧС-2014 доступ да Wi-Fi і вяртанне грошай па Tax Free. Пра гэта ішла размова на пасяджэнні падкамітэту па пытаннях гандлёвага забеспячэння і арганізацыі харчавання, якое адбылося ў рамках падрыхтоўкі да ЧС- 2014.
На паседжанні была разгледжана падрыхтоўка аб'ектаў гандлю і грамадскага харчавання, якія знаходзяцца на чыгуначных вакзалах і ў Нацыянальным аэрапорце Мінск. Міністр гандлю Валянцін Чаканаў адзначыў, што чыгуначныя вакзалы і аэрапорт з'яўляюцца тварам краіны, таму арганізацыі абслугоўвання гасцей і ўдзельнікаў ЧС- 2014 па хакеі на гэтых аб'ектах варта надаць асаблівую ўвагу. На яго думку, яшчэ застаюцца некаторыя пытанні, якія павінны быць аператыўна вырашаны, напрыклад, магчымасць безнаяўнага разліку. Акрамя таго, міністр звярнуў увагу, што госці ЧС-2014 павінны мець магчымасць паглядзець хакейныя матчы на вялікіх экранах у аб'ектах грамадскага харчавання.
«На прылаўках крам таксама павінен быць прадстаўлены шырокі асартымент тавараў беларускай вытворчасці, у тым ліку сувеніраў. Рэстараны і кафэ павінны забяспечыць выбар страў беларускай нацыянальнай кухні», - дадаў ён.
«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца16
Каментары