У Дзярждуму РФ у бліжэйшы час будзе ўнесены законапраект аб увядзенні дадатковага падатку на фастфуд, паведамляюць інфармагенцтвы.
Ініцыяваў законапраект дэпутат Дзярждумы Ігар Зотаў («Расійская партыя пенсіянераў за справядлівасць»). Згодна з дакументам, замежныя прадпрыемствы хуткага харчавання будуць плаціць павышаны падатак на прыбытак — да 23% замест цяперашніх 20%. Прычым 19% прапануецца аддаваць рэгіянальным бюджэтам, а 4% — пералічваць у федэральную казну. Паступілі ў казну дадатковыя сродкі можна накіраваць на развіццё «сістэмы аздараўлення насельніцтва».
Як лічыць аўтар заканадаўчай ініцыятывы, увядзенне дадатковага падатку павысіць цэны на фастфуд, што дазволіць знізіць наведванне рэстаранаў хуткага харчавання, а таксама аздаровіць насельніцтва.
Па словах Зотава, негатыўны ўплыў фастфуду на арганізм даказаны медыцынскімі даследаваннямі: да 50% усіх захворванняў расейцаў (гастрыт, харчовая алергія, панкрэатыт і інш.) звязаныя з дрэнным харчаваннем. Аматарам нездаровай ежы таксама пагражае атлусценне. У зоне асаблівай рызыкі — дзеці і падлеткі.
Папраўкі аб «падатку на здароўе», як назвалі законапраект у СМІ, будзе ўнесены ў артыкул 284 Падатковага кодэкса РФ. У першую чаргу новаўвядзенне закране такія папулярныя сярод расейцаў фастфуд-рэстараны, як McDonald's, Burger King, KFC, Sbarro, Subway, Starbucks, Papa John's, Dunkin 'Donuts, Costa Coffee, Baskin Robbins.
Раней падатак на фастфуд неаднаразова прапаноўвалі ўвесці і ў іншых краінах. Пра жаданне павысіць падатак для рэстаранаў хуткага харчавання заяўлялі ў Францыі і Мексіцы. А першая лэдзі ЗША Мішэль Абама прапаноўвала адмовіцца ад рэкламы фастфуду ў школах, каб прапагандаваць здаровае харчаванне сярод падрастаючага пакалення.
Цяпер чытаюць
Каб доўга не стаяць на мяжы з Польшчай, дзяўчына скарысталася лайфхакам. Вынік: віза згарэла, вандроўка сапсаваная3
Каментары