Грамадства3232

Пяць апазіцыйных арганізацый дамовіліся аб правядзенні Кангрэса дэмакратычных сілаў

Перамовы па вылучэнні адзінага кандыдата ад апазіцыі выйшлі на новы ўзровень, заявіў старшыня Партыі БНФ Аляксей Янукевіч. На сённяшні момант пяццю з сямі асноўных арганізацый апазіцыі дасягнута згода аб працэдуры вылучэння адзінага кандыдата ў прэзідэнты. Само вылучэнне павінна адбыцца ў канцы сакавіка, на Кангрэсе дэмакратычных сіл.

Подпісы пад пагадненнем паставілі прадстаўнікі Беларускай сацыял-дэмакратычнай партыі (Грамада), руху «За Свабоду», кампаніі «Гавары праўду!», Партыі БНФ і аргкамітэта па стварэнні партыі «Беларуская хрысціянская дэмакратыя».

Звяртае ўвагу, што пад пагадненнем няма подпісаў Аб'яднанай грамадзянскай партыі (Анатоль Лябедзька) і Партыі левых «Справядлівы свет» (Сяргей Калякін).

«На сённяшнім паседжанні быў толькі Калякін, а Лябедзька асабіста не прысутнічаў — даслаў свайго прадстаўніка. Калякін адзначыў, што гэтае пагадненне — пэўны прагрэс, аднак, каб прыняць канчатковае рашэнне, яму трэба параіцца з кіруючым органам сваёй партыі на сходзе, які адбудзецца пры канцы лістапада, — патлумачыў Юрась Губарэвіч, першы намеснік старшыні Руху «За Свабоду». — Прадстаўнік Лябедзькі паабяцаў перадаць усю інфармацыю свайму партыйнаму лідару, і ў хуткім часе адказ ад яго будзе атрыманы».

На мінулым паседжанні прадстаўнікі гэтых дзвюх партый галасавалі супраць гэтага дакумента. Незадавальненне ў іх выклікала магчымасць вылучэння дэлегатаў на Кангрэс шляхам збору подпісаў, а не ад арганізацый і сходаў мясцовых актывістаў.

Нязгода АГП і экс-камуністаў могуць адцягнуць тэрмін Кангрэса аж на май. Перамовы аб вылучэнні адзінага кандыдата ад апазіцыі і без таго расцягнуліся ўжо амаль на год.

Прычым, падкрэсліў Аляксей Янукевіч, прынятае пагадненне — гэта не прапановы «Народнага рэферэндуму».

«Да нас далучылася «Беларуская хрысціянская дэмакратыя», але «Сямерка» не складаецца з прадстаўнікоў «Народнага рэферэндуму», БХД і «Талакі». Яна складаецца з прадстаўнікоў розных суб’ектаў. І «Народны рэферэндум» ствараўся не дзеля вылучэння адзінага кандыдата, ці канкрэтнай працы на прэзідэнцкія выбары. І ў хадзе абмеркавання працэдуры прадстаўнікі «hэферэндуму» галасавалі па-рознаму. Канечне, тое, што мы разам робім «Народны рэферэндум» спрасціла нам дамаўленне паміж сабой. Але апускаць «сямерку» да ўзроўню перамоўнай пляцоўкі паміж «Рэферэндумам» і «Талакой» было б няправільна і мы выступаем супраць гэтага».

Каментары32

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Усе навіны →
Усе навіны

Людзі здзіўляюцца таму, што ў вёсках на Браслаўшчыне няма платоў. Чым гэта можна патлумачыць?3

Нябензя назваў расійскі «мемарандум» «найлепшай прапановай» для Кіева

Мілыя ці пачварныя? Чаму лялькі Labubu сталі сусветнай сенсацыяй4

Колькі каштуе хатняя аптэчка ў Беларусі, Літве і Польшчы? Параўналі цэны1

Трамп: Я арганізаваў мірную дамову паміж Конга і Руандай. Але Нобеля мне за гэта не дадуць8

Мінгандлю абурылася завышэннем у 8 разоў цаны на чырвона-зялёныя сцяжкі5

У Іране адбыўся землятрус магнітудай 5,2. Адразу пайшлі чуткі2

«Доўгая дарога па ўсім свеце». Беларуска з адным заплечнікам аб'ездзіла 40 краін2

Будучыня Ірана: тры сцэнары пасля магчымага краху рэжыму мулаў4

больш чытаных навін
больш лайканых навін

Сяргей Ціханоўскі выйшаў на волю93

Сяргей Ціханоўскі выйшаў на волю

Галоўнае
Усе навіны →

Заўвага:

 

 

 

 

Закрыць Паведаміць