Прэзідэнт Расіі Уладзімір Пуцін даручыў Цэнтрабанку і ўраду прапрацаваць пытанне аб мэтазгоднасці стварэння валютнага саюза ў Еўразійскім эканамічным саюзе. Даручэнне апублікавана на сайце Крамля.
«Банку Расіі сумесна з урадам Расійскай Федэрацыі ва ўзаемадзеянні з цэнтральнымі (нацыянальнымі) банкамі дзяржаў — членаў Еўразійскага эканамічнага саюза вызначыць далейшыя кірункі інтэграцыі ў валютнай і фінансавай сферах у межах Еўразійскага эканамічнага саюза з прапрацоўкай мэтазгоднасці і магчымасці стварэння ў перспектыве валютнага саюза», — гаворыцца ў дакуменце.
Паведаміць аб выкананні даручана да 1 верасня 2015 года прэм'ер-міністру Дзмітрыю Мядзведзеву і кіраўніку Цэнтрабанка Эльвіры Набіулінай.
Каментары