Група дэпутатаў накіравала на разгляд Сойма папраўкі да заканадаўства, якія патрабуюць забараніць выкарыстанне георгіеўскай стужкі на публічных забаўляльных і святочных мерапрыемствах. Парламент Латвіі прыступіць да разгляду ідэі ў чацвер.
Як зазначаюць аўтары ў анатацыі да дакумента, аранжава-чорная стужка «з кожным годам усё болей з'яўляецца праслаўленнем імперыялізму Расіі і стала адзіным знакам адрознення для тых людзей, якія жывуць пад уплывам прапаганды Расіі, а таксама жадаюць тэрытарыяльнага пашырэння Расіі на межах былога СССР».
Яны таксама нагадваюць, што стужачку выкарыстоўвалі «і ў працэсе акупацыі Крымскага паўвострава», а таксама яна часцяком з'яўлялася галоўным сродкам апазнавання «сваіх» для «тэрарыстычных і бандыцкіх груповак Усходняй Украіны».
«Прымаючы пад увагу змест гэтай ідэалогіі і той факт, што расійская прапаганда мае вялікі ўплыў на тэрыторыі былога СССР», група дэпутатаў патрабуе абмежаваць публічнае выкарыстанне, згодна з іх фармулёўкай, «сімвалічнай прысутнасці варожай у адносінах да бяспекі Латвіі таталітарнай ідэалогіі».
Першапачаткова ідэя наконт абмежавання выкарыстання георгіеўскай стужачкі была пададзена дэпутатам Вейка Сполітысам. Палітык хацеў, каб публічнае нашэнне гэтага сімвала разглядалася як адміністрацыйнае парушэнне і штрафавалася. Як патлумачыў сам Споліціс, стужачка «стварае напружанне, бо гэты элемент стаў сімвалам Расіі, які непрымальны ў дэмакратычным грамадстве».
Цяпер чытаюць
Лукашэнка патлумачыў, чаму яго не відаць па серадах і суботах16
Лукашэнка патлумачыў, чаму яго не відаць па серадах і суботах
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары