Паліцыя ў Венгрыі ўжыла слёзатачывы газ, каб спыніць бойку, у якой прынялі ўдзел некалькі соцень мігрантаў у лагеры бежанцаў на ўсходзе краіны, паведамляе Асашыэйтэд прэс са спасылкай на МУС краіны.
Прычынай бойкі стала сварка двух туркаў. Адзін з іх вырваў з рук іншага Каран, шпурнуў кнігу на зямлю і пачаў таптаць яе.
У канфлікт умяшаліся сотні насельнікаў лагера. Яны кідалі адзін у аднаго камянямі і падпалілі кантэйнеры са смеццем. Адзін паліцэйскі атрымаў раненне: яму ў галаву трапіў камень.
Урад Венгрыі, праз якую транзітам рухаецца паток мігрантаў, мае намер прыняць жорсткія меры, каб скараціць міграцыю праз сваю тэрыторыю. У прыватнасці, на мяжы з Сербіяй плануецца пабудаваць сцяну даўжынёй 175 км і вышынёй 4 метры.
Прэм'ер-міністр Венгрыі Віктар Орбан заявіў, што яго краіна не жадае прымаць эканамічных мігрантаў і прызнае бежанцамі толькі тых, хто ратуецца ад ваенных канфліктаў.
У лагеры на ўскраіне Дэбрэцэна, разлічаным на 800 чалавек, цяпер знаходзіцца удвая больш людзей.
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары