Трагічны выпадак адбыўся 20 ліпеня ў Столінскім раёне — на рацэ Гарынь патанула 11-гадовая дзяўчынка.
Шматдзетная сям'я — бацька, маці і чацвёра дзяцей — адпачывалі на прыродзе. Бацька зайшоў у ваду паплаваць разам з дзецьмі, а дзяўчынка старалася трымацца бліжэй да берага, дзе магла дастаць дно.
Потым бацька вырашыў адплыць далей і пакінуў прыглядаць за дзецьмі сваю жонку, якая заставалася на беразе, бо не ўмела плаваць. Ля берага, дзе купалася дачка, быў рэльеф дна з рэзкімі перападамі глыбіні. Дзяўчынка раптам трапіла ў адну такую западзіну і пачала тануць. Яе бацька пачуў крыкі жонкі, якая клікала на дапамогу, і адразу ж паплыў назад, але не паспеў выратаваць дачку. Цела дзяўчынкі пазней дасталі вадалазы, паведамляе sk.gov.by.
Сям'я, у якой адбылася трагедыя, жыве ў сельскай мясцовасці і з'яўляецца сацыяльна станоўчай.
Цяпер чытаюць
«Лукашэнка проста не ведае». Ябацьку, які выкладаў у тыкток відэа пра булінг дачкі, пасадзілі на паўтара месяца9
Каментары