Прэзідэнт ЗША Барак Абама завяршыў свой пяцідзённы візіт у Афрыку. Напрыканцы ён папярэдзіў лідараў афрыканскіх дзяржаў, што ім трэба забяспечыць змяняльнасць улады.
«Ніхто не павінен заставацца прэзідэнтам усё жыццё», — сказаў Абама, выступаючы ў штаб-кватэры Афрыканскага саюза ў сталіцы Эфіопіі Адыс-Абебе.
«Я не разумею, чаму некаторыя так доўга жадаюць заставацца ва ўладзе, асабліва, калі ў іх столькі грошай», — сказаў Абама, выступаючы перад 54 членамі саюза.
У гэтай фразе можна ўлавіць даволі адкрыты намёк на афрыканскіх лідараў. Абама асабліва падкрэсліў, што гэта тычыцца Бурундзі, чый прэзідэнт П'ер Нкурунзіза быў пераабраны на трэці тэрмін.
«Часам вы чуеце, як лідары краін кажуць: я — адзіны, хто можа забяспечыць адзінства нацыі. Калі гэта праўда, тады падобны лідар у рэальнасці папросту не справіўся з задачай будаўніцтва нацыі», — дадаў Абама.
Паводле яго слоў, дэмакратыя — гэта больш, чым проста праводзіць выбары. «Калі журналістаў кідаюць за краты за выкананне сваіх прафесійных абавязкаў, а актывістам пагражаюць у рамках барацьбы з грамадзянскай супольнасцю, вы можаце называць гэта дэмакратыяй, але гэта не дэмакратыя», — сказаў Абама.
Акрамя таго, прэзідэнт ЗША пажартаваў з нагоды сваіх уласных шанцаў пераабрацца на трэці тэрмін (такі варыянт забараняе амерыканская канстытуцыя).
«Наогул, я думаю, што я даволі добры прэзідэнт. І калі я вылучуся на выбарах, я магу выйграць. Але я не магу вылучыцца!» — сказаў ён.
-
«Яны горшыя за французаў, мы трапілі з агню ды ў полымя». Як «Вагнер» праваліўся ў Малі
-
Расійскі прапагандыст Уладзімір Салаўёў зарабіў на прапагандзе вайны ва Украіне за два гады больш за 370 тысяч даляраў
-
Фон дэр Ляен выступіла з экстраннай заявай з нагоды расійскай атакі на Кіеў: рыхтуюцца новыя санкцыі
Цяпер чытаюць
Зніклы Котаў выехаў з Турцыі морам — магчыма, у бок Расіі12
Каментары