Пад Пінскам у дарожна-транспартным здарэнні загінула грамадзянка Польшчы. Аварыя з цяжкімі наступствамі здарылася 29 жніўня прыкладна ў 20.45 на 395-м км аўтадарогі М10 Кобрын — Гомель — мяжа РФ.
Як паведаміла начальнік аддзялення па агітацыі і прапагандзе ДАІ УУС Брэсцкага аблвыканкама Наталля Сахарчук, 45-гадовая грамадзянка Польшчы, якая кіравала «Рэно-Меганам», з`ехала ў правы па ходзе руху кювет, дзе аўтамабіль перакуліўся. Паводле папярэдніх звестак, аўтамабілістка не справілася з кіраваннем.
У транспартным сродку знаходзілася пяць чалавек. Усе яны — грамадзянкі Польшчы, жыхаркі горада Рава-Мазавецка.
На месцы аварыі загінула 18-гадовая пасажырка «Рэно». Яшчэ дзве пасажыркі (45-гадовая жанчына і 14-гадовая дзяўчынка) з траўмамі дастаўленыя ў бальніцу.
Вадзіцель аўтамабіля і пасажырка, якая ехала на пярэднім пасажырскім сядзенні, не пацярпелі.
Распачатая справа на падставе ч. 2 арт. 317 КК (парушэнне правілаў дарожнага руху, якое пацягнула па неасцярожнасці смерць чалавека).
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі18
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары