Міжнародная арганізацыя «Дактары без межаў» выводзіць сваіх супрацоўнікаў з горада Кундуз на поўначы Афганістана пасля авіяўдару па будынку місіі, заявіла прадстаўнік арганізацыі Кейт Стэйджмэн (Kate Stegeman).
Раней паведамлялася, што шпіталь міжнароднай арганізацыі «Дактары без межаў» у Кундузе на поўначы Афганістана, у якой у гэты момант знаходзіліся каля 200 чалавек, быў часткова разбураны падчас бамбардзіроўкі ў суботу раніцай. Паводле апошніх дадзеных на нядзелю, колькасць загінулых склала 19 чалавек з іх 12 супрацоўнікаў арганізацыі «Дактары без межаў» і трое дзяцей, раненні атрымалі больш за 30 чалавек.
У суботу Сусветная Арганізацыя Аховы здароўя заявіла, што абстрэл шпіталяў Кундузе можа паставіць пад пагрозу гуманітарную дзейнасць у Афганістане.
НАТА заявіла пра расследаванне інцыдэнту з бамбардзіроўкай шпіталя. У альянсе не выключаюць, што гэта адбылося з прычыны ўдару сіл ЗША.
У сваю чаргу прадстаўнікі арганізацыі «Дактары без межаў» заявілі, што некалькі месяцаў таму далі каардынаты шпіталя ў Кундузе вайскоўцам ЗША, адзначае агенцтва Ройтэрз.
Каментары