Рэпер Вожык да дня выбараў прэзэнтуе на сайце «Арт Сядзібы» свой новы твор — сумную песьню-развагу «Абіраем Лукашэнку».
«Назва трэку гучыць як агітацыя ў дзень цішыні, але насамрэч усё трошкі складаней», — кажа рэпер.
«Гэтая песьня — адлюстраваньне таго, як я адчуваю сёлетнія выбары. Менавіта з такім настроем я пражыў гэтыя перадвыбарчыя месяцы. Таму ў гэты хмуры і безнадзейны дзень я зычу ўсім сонечнага настрою», — зазначае Вожык.
«Нарэшце дачакаліся. Віншую вас, спадарыні і спадары. У нас народнае сьвята — чарговыя выбары. Але ўсё неяк нават для нас так ціха і проста — Ня так, як у мінулы раз і нават ня так, як у 2006-ым…», — сьпявае Вожык.
Цяпер чытаюць
Што ўяўляе сабой база даных, якую сілавікі называюць «узломам «Новай Беларусі»8
Каментары