Профільныя службы ацанілі кошт адпачынку ў санаторыях краіны. Замеры праводзілі па стандартным аднапакаёвым нумары для двух кліентаў, піша Tochka.by.
Пры ўказаных умовах сярэдні кошт склаў 127 рублёў за суткі. Мінімальная рэкамендаваная працягласць аздараўлення складае 12 дзён. Значыць, за ўсю пуцёўку трэба аддаць ад 1524 рублі. Сума прыведзеная без уліку росту попыту на летні перыяд.
Атрымаць зніжку можна пры раннім браніраванні. Тады кошт зніжаецца на 5—15%. А пры куплі гарачай пуцёўкі пацыент можа скарыстацца дадатковымі бясплатнымі працэдурамі.
«Некаторыя ўласнікі ведамстваў для сваіх работнікаў і іх дзяцей могуць даплачваць ад 15% да 90% ад кошту пуцёўкі. Значныя зніжкі прадастаўляюць у санаторыях ад Федэрацыі прафсаюзаў — кожнаму члену належыць зніжка ў памеры 25%», — падзяліўся намеснік дырэктара Рэспубліканскага цэнтра па аздараўленні і санаторна-курортным лячэнні насельніцтва Аляксандр Цай.
Час браніраваць санаторыі на зіму
Актыўнае браніраванне на адпачынак у здраўніцах летам пачалося яшчэ ў снежні 2024-га. І ўжо ў красавіку ўзровень занятых месцаў дасягнуў 88—89%. На дадзены момант 95% пуцёвак раскуплена.
«Вядома, лепш загадзя планаваць адпачынак. Мы назіраем, што пасля кавідных гадоў глыбіня продажаў толькі павялічылася. У сярэднім, каб мець выбар па датах і нумары, браніраваць лепш за тры і больш месяцаў», — адзначыў Аляксандр Цай.
На гэты момант санаторыі ўжо вядуць запіс на аздараўленне ўсіх ахвотных аж да зімы.
-
Колькі часу займае выдача пашпарта новай Беларусі? Былы каліновец расказаў, як атрымліваў дакумент
-
У Магілёве прадаюць 10 тон бульбы ўсяго па 60 капеек за кіло. Што з ёй не так?
-
«Я яшчэ мог сумнявацца ў сабе. Але калі Маша такое зрабіла!» Невядомыя факты пра Віктара Бабарыку расказала яго адвакатка Наталля Мацкевіч
Каментары