Кошт падпіскі на асноўныя недзяржаўныя выданні вырас на 9—31%, на дзяржаўныя — на 3—6%
Падпіска на вядучыя недзяржаўныя газеты на першае паўгоддзе 2016 года павялічылася ў параўнанні ў другім паўгоддзем 2015 года на 11—31%, на вядучыя дзяржаўныя — на 3—6%, сведчыць параўнанне цэн у падпісных каталогах. У другім паўгоддзі гэтага года ў параўнанні з першым падпіска на асноўныя дзяржвыданні не даражэла.
Кошт паўгадавых камплектаў «Советской Белоруссии» і «Звязды» павялічыўся на 4,2% (з 360.000 да 375.000 рублёў), «Народной газеты» — на 3,1% (з 288.000 да 297.000), «Рэспублікі» — на 3,4% (з 348.000 да 360.000), «Сельской газеты» — на 3,8% (з 318.000 да 330.000), «Знамени юности» — на 6,1% (са 198.000 да 210.000), «7 дней» — на 6,3% (са 180.600 да 192.000).
«Белорусская военная газета» павысіла кошт падпіскі на 3,3% (з 276.600 да 285.600 рублёў), «На страже» — на 3,7% (са 160.800 да 166.800).
Кошт падпіскі на «Аргументы и факты» в Белоруссии» павялічыўся на 8,5% (са 175.000 да 189.900), «Комсомольской правды» в Белоруссии» — на 11,2% (з 598.000 да 665.000).
Падпісная цана на «БелГазету» ўзрасла на 11% (з 241.800 да 268.400 рублёў), «Народную волю» — на 28,9% (з 270.000 да 348.000), «Нашу ніву» — на 20% (з 240.000 да 288.000). У той жа час штотыднёвік «Белорусы и рынок» патаннеў на 10% (з 378.000 да 340.200).
Цана паўгадавой падпіскі на газету «Прессбол» павысілася на 30,6% (з 1.080.000 да 1.410.000), «Спортивную панораму» — на 4,4% (з 458.900 да 478.900).
Вырас кошт падпіскі на буйныя абласныя газеты. «Гомельская праўда» падаражэла на 11,8% (з 306.000 да 342.000), «Заря» (Брэст) — на 11,1% (з 270.000 да 300.000), «Мінская праўда» — на 5,6% (з 270.000 да 285.000), «Витебские вести» — на 17,2% (з 217.000 да 254.400), «Могилевская правда» — на 20% (з 216.000 да 259.200). Недзяржаўны «Брестский курьер» патаннеў на 10,8% (са 183.600 да 177.900).
Падпісныя цэны на выданні Расіі, Казахстана і Украіны змяніліся па-рознаму.
Кошт камплектаў на першыя шэсць месяцаў 2016 года складае:
Расія: «Российская газета» — 1.314.000 рублёў (у ліпені—снежні 2015 года — 1.763.400; зніжэнне на 25,5%), «Медицинская газета» — 2.203.200 (2.315.400; -4,8%), «Мир криминала» — 199.400 (199.200; +0,1%), «Ведомости» — 2.596.200 (2.591.400; +0,2%), «Правда» — 450.000 (277.800; +62%);
Казахстан: «Казахстанская правда» — 1.445.900 (1.100.300; +31,4%);
Украіна: «Зеркало недели» — 1.555.800 рублёў (988.200; +57,4%), «Голос Украины» — 2.025.600 (1.425.000; +42,1%), «Команда» — 2.353.800 (1.638.600; +43,6%).
За апошні год кошт падпіскі на «Советскую Белоруссию» і «Звязду» вырас на 4,2%, «Рэспубліку» — на 3,4%, «Знамя юности» — на 6,1%, «7 дней» — на 7,9%, «Белорусскую военную газету» — на 27,4%, «На страже» — на 6,1%, «Народную волю» — на 45%, «Прессбол» — на 85,5%, «Спортивную панораму» — на 15,7%, «Нашу ніву» — на 30,3%.
Каментары