Мерц прыехаў у Вашынгтон і падарыў Трампу пасведчанне аб нараджэнні яго дзеда
Дакумент, напісаны шрыфтам Зютэрліна, сведчыць аб нараджэнні Фрыдрыха Трампа ў нямецкай вёсцы Кальштат у 1869 годзе, піша Deutsche Welle.
Канцлер Германіі Фрыдрых Мерц уручыў прэзідэнту ЗША Дональду Трампу копію дакумента на нямецкай і англійскай мовах у залатой раме. Дакумент кажа аб нараджэнні дзядулі Трампа, Фрыдрыха Трампа, у нямецкай вёсцы Кальштат у 1869 годзе.
Падчас прэс-канферэнцыі ў Трампа спыталі, ці ён плануе павялічыць санкцыі супраць Расіі. Ён сказаў, што стане «вельмі жорсткім», калі стане ясна, што вайна не скончыцца хутка.
І дадаў, што прасіў Пуціна не наносіць зваротны ўдар на ўкраінскую спецаперацыю «Павуцінне».
«Я сказаў: «Не рабі гэтага. Табе не варта гэтага рабіць. Табе варта гэта спыніць». Але зноў жа, тут шмат нянавісці», — пераказаў Трамп.
На пытанне, ці працягне Ён падтрымліваць Украіну, Трамп адказаў: «Так, я з Украінай. Мы толькі што падпісалі вялікае пагадненне з Украінай аб карысных выкапнях… Я выступаю за спыненне забойстваў, праўда».
Каментары