Авіякампанія «Белавія» летам гэтага года плануе адкрыць прамы авіярух паміж Палангай і Мінскам.
Аэрапорт Палангі паведамляе, што палёты будуць выконвацца раз у тыдзень (па нядзелях) з 19 чэрвеня да 4 верасня.
«Мы спадзяемся, што гэты сезонны кірунак дапаможа жыхарам Беларусі адкрыць для сябе літоўскае ўзмор'е і прапанаваныя там забавы, а прамы рэйс Мінск—Паланга зэканоміць час на гэта падарожжа», — пракаментавала ў прэс-рэлізе камерцыйны дырэктар кампаніі Lietuvos oro uostai («Аэрапорты Літвы «) Юратэ Балтрушайціцтэ.
Намеснік гендырэктара «Белавія» Ігар Чаргінец на сваёй старонцы ў «Фэйсбуку» ўдакладніў, што мінімальны кошт білета «Белавія» на рэйс Мінск—Паланга будзе складаць 99 еўра (туды-назад, усе зборы ўключаныя), у адзін бок — 55 еўра.
Палёты будуць здзяйсняцца на самалёце Boeing 737, які змяшчае 125 пасажыраў. Пра продаж квіткоў будзе абвешчана ў бліжэйшы час.
«Белавія» стане сёмым авіяперавозчыкам у аэрапорце Палангі. Цяпер там працуюць SAS, Norwegian і airBaltic, самалёты якіх лётаюць у Капенгаген, Осла і Рыгу.
Раней «Белавія» ўжо наладзіла рэгулярны рух з Мінска ў аэрапорт Вільні.
-
«А Лукашэнка не ў курсе, адкуль быў напад на гэту асфальтаваную дарогу?» У вёсцы правялі велапрабег — але ўся ўвага дасталася дарозе
-
Мільянер Варабей атрымаў права на забудову цэнтра Мінска — узамен за дарагую клініку для Лукашэнкі
-
Мінчукі ў чаце паскардзіліся на працу паліклінікі. Прапаганда абвінаваціла ў чэргах саміх наведвальнікаў
Каментары