Вызначылася першая зборная, якая спыняе барацьбу за чэмпіёнства на Еўра-2016, — гэта нацыянальная каманда Украіны.
Гэта стала вядома пасля таго, як Германія і Польшча згулялі ўнічыю 0:0.
Першы тайм паміж бундэсманшафт і бяла-чырвонымі скончыўся без ніводнага ўдара ў створ варот. Футбол глядзеўся дастаткова паныла.
Затое ў другім шанцы ўзнікалі ля абедзвюх брам. Немцы атакавалі часцей, але палякі – вастрэй. Галоў гледачы так і не пабачылі. Мабыць, нічыя заканамерны вынік.
Цяпер сітуацыя ў групе C наступная: Германія, Польшча – па 4 пункты, Паўночная Ірландыя – 3, Украіна – 0.
Нават у выпадку перамогі Украіны над Польшчай яны не ўздымуцца з апошняга месца.
Заўтра на Еўра сустракаюцца: Італія – Швецыя (16:00), Чэхія – Харватыя (19:00), Іспанія – Турцыя (22:00).
Цяпер чытаюць
Лукашэнка: без гальштука ў размовах з пасланнікамі Трампа, у гальштуку з расійскімі губернатарамі6
Каментары