Французскія ўлады затрымалі пецярых падазраваных у тэракце ў Ніцы, паведамляюць інфармагенцтвы.
Як распавёў журналістам пракурор Парыжа Франсуа Маленс, былі затрыманыя трое выхадцаў з Туніса і двое з Албаніі. Усе яны падазраюцца ў саўдзеле ў падрыхтоўцы тэракту ў Ніцы.
Па словах пракурора, расследаванне пацвердзіла, што тэрарыст Махамед Лахуайедж Бухлель вёў працяглую падрыхтоўку свайго нападу і, хутчэй за ўсё, у яго былі саўдзельнікі.
Як паведамлялася, тэракт у Ніцы адбыўся ўначы 14 ліпеня. Паводле апошніх звестак, яго ахвярамі сталі 84 чалавекі, дзясяткі пацярпелі.
Каментары