Першыя часці ВПС ЗША з найноўшымі знішчальнікамі F-35 гатовыя да бою
На спецыяльнай прэс-канферэнцыі Ваенна-паветраныя сілы ЗША абвясцілі, што ўзроўню «пачатковай боегатоўнасці» дасягнула першая эскадрылля, узброеная знішчальнікамі 5 пакалення F-35A, паведаміў партал defensenews.com.
Крытэрыі «пачатковай боегатоўнасці» - наяўнасць як мінімум 12 самалётаў у патрэбнай мадыфікацыі, здольнасць выконваць базавыя задачы па падтрымцы наземных войск, весці баі ў паветры і змагацца з варожай паветранай абаронай.
Таксама лётны і тэхнічны персанал павінен быць падрыхтаваным, а самалёты і пілоты павінны быць гатовымі да выкарыстання як мінімум ракет «паветра-паветра» сярэдняй дальнасці і карэктаваных авіябомбаў з унутраных кантэйнераў.
З F-35 ЗША могуць захаваць панаванне ў паветры на наступныя 30-40 год, адзначалі раней прадстаўнікі Пентагона.
Цяпер Расія і Кітай распрацоўваюць свае машыны пятага пакалення, аднак да прыняцця іх на ўзбраенне могуць прайсці яшчэ многія гады.
F-35 Lightning II — шматмэтавы знішчальнік пятага пакалення, які мае радыкальна зніжаную заўважнасць для радараў. Самалёт мае тры асноўныя мадыфікацыі: F-35A — базавая мадэль для ВПС, F-35B — мадэль вертыкальнай пасадкі і скарочанага ўзлёту, F-35C — мадэль для марской авіяцыі, аптымізаваная для ўзлёту і пасадкі на авіяносцах.
Самалёт мае вельмі шырокую наменклатуру ўзбраення і мае аб'ёмныя ўнутраныя кропкі падвескі ракет і бомбаў для захавання мінімальнай заўважнасці.
У бой на Бліжні Усход самалёт, хутчэй за ўсё, патрапіць не раней за 2017 год. Базіравацца машыны будуць таксама ў Еўропе і на базах у Азіяцка-Ціхаакіянскім рэгіёне.
Цяпер ЗША маюць ужо каля 200 самалётаў F-35 розных мадыфікацый. Таксама хаўруснікі ЗША маюць свае мадыфікацыі самалёта.
Кошт кожнай машыны на пачатковым этапе — каля $100 млн з-за адносна малой серыі, але далей кошт будзе зніжацца з-за росту аб'ёму замоў.
Цяпер чытаюць
Маладую бібліятэкарку з Горак асудзілі за пратэсты2
Каментары