Літва купляе штурмавыя вінтоўкі G36, якія выклікалі незадавальненне нямецкіх вайскоўцаў
Міністэрства нацыянальнай абароны Літвы паведаміла пра набыццё дадатковай партыі штурмавых вінтовак Heckler & Koch G36, нягледзячы на прэтэнзіі, якія агучваліся раней нямецкімі вайскоўцамі.
Таксама Літва набудзе новыя 40-мм супрацьпяхотныя гранатамёты Heckler & Koch НК269, піша сайт Міннацабароны.
Гранатамёты могуць выкарыстоўвацца як падствольныя разам з вінтоўкамі G36, гэтак і асобна.
Вінтоўкі, якія сталі стандартнай зброяй арміі Літвы ў 2007 годзе, будуць пастаўляцца ў спецыяльна мадэрнізаванай адпаведна з літоўскімі патрабаваннямі версіі G36KA4M1.
Агульны кошт кантракта — 12,5 млн еўра.Кантракт быў заключаны ў канцы жніўня — яшчэ да таго, як 2 верасня нямецкі суд вырашыў, што Heckler & Koch не нясе адказнасць перад Мінабароны Нямеччыны за праблемы, якія ўзніклі ў нямецкіх жаўнераў падчас эксплуатацыі вінтовак G36 у Аўганістане.
Вайскоўцы адзначалі, што вінтоўкі губляюць магчымасць трапна страляць пасля частай стральбы чэргамі ў гарачым клімаце. Аднак суд палічыў, што Heckler & Koch выканала тыя ўмовы, якія закладываліся вайскоўцамі ў падпісаных з кампаніяй кантрактах.Міністр абароны Нямеччыны Урсула фон дэр Ляйен загадала за некалькі год перавесці армію краіны на іншы стандартны ўзор стралковай зброі.
Цяпер чытаюць
«Дзед будзе глядзець асабіста. Калі яму спадабаецца…» Зянковіч расказаў, як з ім запісвалі першае інтэрв'ю ў СІЗА КДБ14
Каментары