Зубр-хіпстар і мядзведзь-спартсмен: новая Чырвоная кніга Беларусі
Мастачка з Гомеля Марыся Тульжанкова стварыла шэраг нестандартных выяў жывёлаў, змешчаных у Чырвонай кнізе Беларусі.
Марыся даўно вядомая ў гомельскіх колах як таленавітая мастачка і актыўная сяброўка гомельскай «Талакі». На дадзены момант яна ўдасканальвае свае веды ў Польшчы і дзякуючы натхненню вырашыла «абнавіць» выявы жывёлаў, абароненых у нашых краях законам.
— Можна сказаць, што гэта — вынік чарговага прыступа развагаў пра брэнды беларусаў. Я заўжды прытрымлівалася і буду стаяць на пазіцыі таго, што нам трэба ствараць візуальныя вобразы Беларусі не толькі азіраючыся на гісторыю, архаіку на старажытныя сімвалы, але і не забываць паглядаць у будучыню.
Магчыма ў гэтай серыі будзе працяг у падобным стылі і тэхніцы выканання ілюстрацый, але наўрадці я буду шалёна перамалёўваць усю фаўну нашага роднага краю. Хіба што калі нейкае выдавецтва зацікавіцца гэтай ідэяй.
Цяпер чытаюць
Пасля паездкі за межы ЕС таямніча знік Анатоль Котаў, былая правая рука Паўла Латушкі20
Каментары