Усе аўтамабілі, што ўвозяцца пасля 1 студзеня 2017 г., павінны мець убудаваную сістэму выкліку экстраных службаў
Патрабаванне аб абавязковым аснашчэнні транспартных сродкаў у краінах Еўразійскага эканамічнага саюза (ЕАЭС) прыладамі выкліку экстраных аператыўных службаў уступае ў сілу з 1 студзеня 2017 года.
Гэта прадугледжана тэхнічным рэгламентам ЕАЭС «Пра бяспеку колавых транспартных сродкаў», нагадвае БелТА.
Патрабаванне не распаўсюджваецца на аўтамабілі, якія знаходзіліся ў эксплуатацыі да ўступлення ў сілу новай нормы.
У выпадку аварыі усталяваная на машыне прылада ў аўтаматычным рэжыме або пры націсканні трывожнай кнопкі інфармуе адпаведныя службы. Атрымаўшы сігнал, яны максімальна хутка накіроўваюць свае брыгады, у тым ліку медыцынскую, на месца здарэння.
«Аператыўнае аказанне меддапамогі і захаванне жыцця, з'яўляецца галоўнай мэтай стварэння нацыянальных сістэм выкліку экстраных службаў у саюзных краінах», — падкрэслілі ў ЕЭК.
Усе асноўныя аўтамабільныя брэнды, якія пастаўляюць сваю прадукцыю ў Еўразійскі эканамічны саюз, завяршылі альбо завяршаюць аснашчэнне аўтамабіляў трывожнай сістэмай.
У дачыненні да машын, што ўвозяцца фізічнымі асобамі з трэціх краін, будуць дзейнічаць тыя ж патрабаванні. Грамадзянам, якія жадаюць у прыватным парадку завезці ў ЕАЭС пасля 1 студзеня 2017 года транспарт (як новы, так і былы ў выкарыстанні), неабходна памятаць, што, напрыклад, легкавы аўтамабіль павінен мець убудаваную працаздольную сістэму выкліку экстраных аператыўных службаў.
Выказваецца меркаванне, што падобныя прылады могуць быць выкарыстаны, каб сачыць за перамяшчэннем аўтамабіляў.
Нежывым знойдзены ў Варшаве Зміцер Каспяровіч — 43-гадовы былы палітвязень, завербаваны КДБ6
Каментары