Супрацоўнікі наркакантролю Фрунзенскага РУУС Мінска ліквідавалі канал пастаўкі небяспечных наркатычных сродкаў (гашышу) з Расіі, паведаміла БелТА афіцыйны прадстаўнік Фрунзенскага РУУС Наталля Аскірка.
Затрыманы 24-гадовы расіянін, які з верасня 2016 года, працуючы на інтэрнэт-краму, закладваў схованкі з наркатычнымі сродкамі ў Мінску. Пры асабістым вобшуку і аглядзе па месцы часовага жыхарства ў яго выяўлена і канфіскавана больш за 500 г спрасаванага рэчыва расліннага паходжання. Па выніках экспертызы выяўлена, што дадзенае рэчыва з'яўляецца небяспечным наркатычным сродкам — гашышам. Таксама знойдзеныя электронныя шалі, мноства пустых палімерных пакетаў, некалькі рулонаў скотчу.
Распачатая крымінальная справа па ч. 3 арт. 328 (незаконны абарот наркатычных сродкаў, псіхатропных рэчываў, іх прэкурсораў і аналагаў) Крымінальнага кодэкса Беларусі.
Цяпер чытаюць
Дачка суддзі, якая жыўцом згарэла ў судзе ў Слуцку ў 1967-м, расказала, як склалася жыццё іх сям’і пасля гучнай трагедыі7
Каментары