У Гродне п'яны кіроўца раніцай 27 лютага вёз дзяцей у дзіцячы садок і збіў на пераходзе жанчыну з дзіцем, паведамілі ў ДАІ УУС Гродзенскага аблвыканкама.
33-гадовы кіроўца Mazda напярэдадні ўвечары піў піва, а раніцай павёз дзяцей у садок. Праязджаючы пешаходны пераход на вуліцы Вясновай, ён позна заўважыў жанчыну з дзіцем на руках і збіў яе. Жанчына стукнулася аб дзверы машыны, атрымала траўмы, медыкі аказвалі ёй дапамогу.
Як паказаў медыцынскі агляд, утрыманне алкаголю ў арганізме мужчыны перавышала дапушчальнае больш чым у два разы.
Каментары