Пра тое, што фрагмент «Першай кнігі Царстваў», пражскага выдання Францыска Скарыны, прапаў, паведаміў намеснік дырэктара Нацыянальнай бібліятэкі Беларусі Алесь Суша.
«Найбольшым расчараваннем у Нью-Ёрку было дазнацца, што фрагмент выдання Скарыны, які захоўваўся ў Нью-Ёркскай публічнай бібліятэцы, «згубіўся» і яго ніяк не могуць знайсці ўжо шмат гадоў. Здараецца такое нават у найбуйнейшых бібліятэках свету… — напісаў некалькі дзён таму з сваім фэйсбуку Суша. — У электронным каталогу я даўно бачыў, што дакумент не выдаецца. А ўчора меў сустрэчы з чатырма супрацоўнікамі Нью-Ёркскай публічнай бібліятэкі, у тым ліку аддзела рэдкіх кніг. У доўгіх размовах яны толькі разводзілі рукамі… І нават копіі нямі: ні мікрафільма, ні фотакопіі».
Гісторыю пракаментаваў бібліятэкар аддзела спецыяльных калекцый Нью-Ёркскай публічнай бібліятэкі Лявон Юрэвіч.
«Па-шчырасці, гэта была непрыемная неспадзяванка для мяне, бо напярэдадні ліставаліся з сп. Сушам, і я быў напісаў, што, каб паглядзець Скарыну, трэба зараней дамаўляцца: у аддзел рэдкай кнігі так з вуліцы не зойдзеш. Я і паняцця не меў, што Скарыны няма — а тым болей і мікрафільма (гэта зусім розныя аддзелы). Вядома, здараецца, што кніга ці мікрафільм былі выпадкова пастаўлены ў неадпаведнае месца, і тады хіба выпадкова можна іх знайсці, проста нарваўшыся, але каб з рэдкай кнігі… - паведаміў «Нашай Ніве» Юрэвіч. — Калі знікла — хто ж тут скажа. Цалкам магчыма, што калі быў скасаваны Славянскі аддзел, і кнігі пераводзіліся — што ў General Research Division (агульны і найвялікшы), а што ў «Рэдкія кнігі».
Але гэта была не кніга, падкрэсліў Юрэвіч, а фрагмент: тры старонкі з Кнігі Царстваў, 1518 года.
«Спадзяюся, гэта ўсё ж проста прыкрая нядбайнасць, і Скарына знойдзецца», — дадаў Лявон Юрэвіч.
Цяпер чытаюць
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары