Суаўтар праекта Балта-Чарнаморскага калектара Станіслаў Гусак перанёс інсульт
У складанай сітуацыі апынуўся вядомы беларускі палітычны і грамадскі дзеяч Станіслаў Гусак. Як паведамілі ягоныя сваякі, ён перанёс цяжкі інсульт і пазбаўлены магчымасці кантактаваць з вонкавым светам.
Станіслаў Гусак — эксперт Радыё Свабода ў энергетычных пытаннях. Адзін з аўтараў некалі рэзананснага праекту Балта-Чарнаморскага нафтавага калектара — ідэя была агучаная ў 1993 годзе Беларускім Народным Фронтам, аднак адрынутая тагачасным урадам Вячаслава Кебіча.
У інтэрвію Свабодзе спадар Гусак такім чынам тлумачыў важнасьць рэалізацыі нафтавага калектару:
«У такім выпадку Беларусь магла б мець некалькі крыніцаў паставак паліва. Справа ў тым, што адны нафтаправоды ідуць празь Беларусь і выходзяць на Вэнтспілс у Балтыю, другія праходзяць блізка ад Беларусі па Ўкраіне на Адэсу. І каб гэтыя нафтаправоды аб’яднаць, зьявіўся Балта-Чарнаморскі нафтавы калектар. Такое рашэньне дало б Беларусі выхад на новы ўзровень энэргабясьпекі і разбурыла манапалізаваны Расеяй паліўны рынак…».
Станіслаў Гусак нарадзіўся ў 1949 годзе ва Ўкраіне. Скончыў Беларускі дзяржаўны палітэхнічны інстытут, інжынэр-цеплаэнэргетык. У пачатку 1990-х уваходзіў у склад «ценявога кабінэту» апазыцыі БНФ у Вярхоўным Савеце 12 скліканьня, быў даверанай асобай Зянона Пазьняка на прэзыдэнцкіх выбарах у 1994 годзе. У 1995-1999 гадах — намесьнік старшыні Беларускага Народнага Фронту.
Цяпер чытаюць
Амерыканскі журналіст Шустэр расказаў, як яго ўгаворвалі зрабіць інтэрв'ю з Лукашэнкам. Нават прапаноўвалі грошы5
Каментары