У «Газпром цэнтры» можа змяніцца як аб'ём аб'екта, так і аб'ём інвестыцый. Пра гэта сёння на прэс-канферэнцыі расказаў старшыня Мінгарвыканкама Андрэй Шорац.
Па словах Шорца, цяпер «Газпром» выбірае падрадчыка.
— «Газпром» удакладняе як аб'ёмы інвестыцый, так і аб'ёмы комплексу. Мяркую, сёлета ў нас з'явіцца канкрэтыка. Ёсць дакладнае даручэнне кіраўніка дзяржавы, што да 2020 года работы павінны быць завершаны. Зараз мы працуем з «Газпромам Беларусь», каб выканаць гэтае даручэнне.
Нагадаем, будаўніцтва шматфункцыянальнага комплексу «Газпром цэнтр» пачалося ў 2015 годзе. Аб'ект размесціцца на скрыжаванні вуліцы Філімонава і праспекта Незалежнасці на плошчы 8,27 га на месцы былога аўтавакзала «Маскоўскі». Будучы комплекс будзе ўключаць офісы беларускіх «дочак» «Газпрома», гасцініцу, паркінг, фізкультурна-аздараўленчы комплекс і медыцынскі цэнтр. Самы высокі будынак мусіў быць 185 метраў і 35 паверхаў. Заканчэнне будаўніцтва было запланавана на 2018 год.
Аднак летам мінулага года ўсе працы на аб'екце сталі згортвацца, а ў снежні «Газпром трансгаз Беларусь» пачаў «працэдуру кансервацыі аб'екта незавершанага будаўніцтва». Асноўнай прычынай прыпынення будаўніцтва стала скарачэнне фінансавання праекта з боку «Газпрома» з-за газавай спрэчкі паміж Беларуссю і Расіяй. Яшчэ адной прычынай называлі тэхнічныя праблемы, звязаныя з вышыннай часткай будынка. Гэтым летам будоўлю раскансервавалі, але задумаліся аб патанненні праекту.
Цяпер чытаюць
Былы беларускі ваяр суткі катаваў свайго сябра, а пасля забіў сябе18
Каментары