Заснавальнік Wikipedia: на сайт энцыклапедыі штомесяц заходзяць з 1,2 млрд прылад
Джымі Уэйлз удакладніў, што пры ацэнцы не ўлічваліся ў поўнай меры карыстальнікі, якія жывуць у афрыканскіх краінах або Кітаі.
Людзі з усяго свету штомесяц выкарыстоўваюць каля 1,2 млрд падлучаных да інтэрнэту прыладаў, каб чытаць артыкулы, размешчаныя ў анлайн-энцыклапедыі Wikipedia. Пра гэта заявіў на дзелавым форуме Global Synergy Forum, які завяршыўся ў суботу ў Нью-Ёрку, заснавальнік гэтага сеткавага даведніка Джымі Уэйлз, піша ТАСС.
«У нас больш за 400 млн унікальных наведнікаў штомесяц», — паведаміў Уэйлз, спаслаўшыся на галіновую статыстыку. Разам з тым, прадпрымальнік растлумачыў, што ў дадзеных ацэнках могуць не ўлічвацца ў поўнай меры чытачы, якія жывуць у афрыканскіх краінах ці Кітаі. Рэальныя паказчыкі, на яго думку, могуць быць і вышэйшыя.
Больш моў
Уэйлз нагадаў, што ў Wikipedia ўжо больш за 40 млн артыкулаў, з іх каля 5 млн на англійскай мове. «Сегмент Wikipedia на iншых, мовах значна большы, чым па-англійску, і гэта вельмі важна разумець», — канстатаваў прадпрымальнік.
Бізнэсмен дадаў, што, згодна з агучанымі дадзенымі, Wikipedia даступная на 284 мовах. «Мяркую, гэты лік істотна завышаны», — адзначыў ён. Заснавальнік энцыклапедыі растлумачыў, што на некаторых з тых моў у рэальнасці старонак вельмі мала ці амаль няма. Паводле яго слоў, больш правільна было б сказаць, што Wikipedia даступная на 240 мовах.
Прадпрымальнік заявіў аб планах стварыць у энцыклапедыі сегменты на кожнай з моў з хоць бы мільёнам носьбітаў. У кожным з названых сегментаў, паводле яго слоў, у перспектыве павінна быць не менш за 250 тыс. публікацый.
Вікіпедыя па-беларуску існуе ў дзвюх версіях: афіцыйным правапісам і тарашкевіцай. Разам у абедзьвюх версіях змяшчаецца 208 610 артыкулаў.
Цяпер чытаюць
Справа Софтклуба: затрыманы патрыярх беларускага ІТ Уладзімір Сіротка і некалькі топ-менеджараў. Яны падарылі нам АРІП12
Каментары