21 снежня ў вёсцы Новы Двор намеснік начальніка гродзенскай міліцыі Аляксандр Шастайла сустракаўся з людзьмі. Больш за ўсё прысутных цікавіла, што са зніклым яшчэ ў верасні хлопчыкам?
Нагадаем, 16 верасня Максім Мархалюк, хлопчык з вёскі Новы Двор, выйшаў пагуляць і знік. Масавыя пошукі з удзелам міліцыі, ратавальнікаў і валанцёраў плёну не далі. У выніку Следчы камітэт завёў крымінальную справу.
Шастайла паведаміў, што пошукі працягваюцца. У зоне пошукаў вакол Новага Двара старанна праверылі ўсё, каб быць упэўненымі, што цела няма. Таксама міліцыя адпрацавала некалькі тысяч чалавек, але безвынікова.
Аляксандр Шастайла падкрэсліў: выкарыстоўваліся ўсе магчымыя метады. На месца пошукаў прывозілі нават экстрасэнсаў, якія звярталіся ў міліцыю, заяўляючы, што дапамогуць. Але ізноў жа — плёну не было.
Асабліва Шастайла папрасіў не распаўсюджваць чуткі і непраўдзівую інфармацыю, бо гэта і перашкаджае працы міліцыі, і раніць бацькоў зніклага хлопчыка.
Цяпер чытаюць
«Калі цяпер херова, значыць, гэта яшчэ не канец». Пагутарылі з эпатажным «святаром XXI стагоддзя», пра якога не было чуваць пяць гадоў пасля арышту2
Каментары