14 красавіка на спаборніцтвах з прызавым фондам 226 750 даляраў у швейцарскім Лугана Арына Сабаленка (№ 61 рэйтынгу WTA) правяла адразу два матчы ў адзіночным разрадзе. Спачатку ўпэўнена пераадолела чвэрцьфінальны бар'ер, перамогшы італьянку Камілу Джорджы (№ 59) — 6:3, 6:0. А затым аформіла выхад у фінал, перамогшы швейцарку Штэфані Фёгеле (№ 119) — 6:4, 6:2.
У фінале саперніцай Арыны стане бельгійка Элізе Мертэнс (№20), якая ў паўфінале ў няпростым трохсэтавым паядынку выбіла з турніру іншую беларуску — Веру Лапко (№130) - 6:1, 4:6, 6:4.
Арына Сабаленка ў трэці раз у кар'еры згуляе ў фінале турніраў WTA. У 2017 годзе яна выйграла турнір у індыйскім Мумбаі з прызавым фондам 115 тысяч даляраў, а таксама дабралася да фіналу спаборніцтваў у кітайскім Цяньцзіні (прызавы фонд 426 750 даляраў), дзе яна драматычна прайграла расіянцы Марыі Шарапавай.
Цяпер чытаюць
Фіналістак конкурсу «Міс Беларусь — 2025» вывелі на сцэну ў касцюмах з цытатамі Лукашэнкі25
Каментары