А даказваюць яны таму, што, «апошнім часам у сувязі з падзеямі ў суседніх краінах да нас стала зьвяртацца вельмі шмат замежных грамадзян з просьбай разьмясьціць свае ўклады ў банкаўскай сыстэме Рэспублікі Беларусь». І абяцаюць падмацаваць гарантыі дэкрэтам ды нават адмяняюць дэклярацыі.
Лорд Бэл ці ня лорд Бэл, але афіцыйная справаздача пра чарговую сустрэчу Аляксандра Лукашэнкі з кіраўніком Нацбанку Пятром Пракаповічам чытаецца як распрацоўка піяр-агенцтва:
«У Беларусі будзе гарантавана поўнае вяртанне ўсіх укладаў у банках. Такая магчымасць будзе прадугледжана ў Дэкрэце Прэзідэнта Рэспублікі Беларусь, праект якога даручана ў сціслыя тэрміны падрыхтаваць Нацыянальнаму банку. Гэта даручэнне Аляксандр Лукашэнка даў 17 кастрычніка старшыні праўлення Нацыянальнага банка Пятру Пракаповічу, паведамілі БЕЛТА.
У дэкрэце будуць прадугледжаны дзяржаўныя гарантыі па ўсіх укладах, незалежна ад іх велічыні, а таксама прадугледжаны прыём укладаў насельніцтва як для грамадзян Рэспублікі Беларусь, так і замежных грамадзян не толькі ў неабмежаваных аб'ёмах, але і без дэкларацый, з поўным захаваннем тайны ўкладаў у адпаведнасці з беларускім заканадаўствам.
Пётр Пракаповіч адзначыў, што падрыхтоўка гэтага дакумента выклікана таксама і тым фактарам, што апошнім часам у сувязі з падзеямі ў суседніх краінах да нас стала звяртацца вельмі шмат замежных грамадзян з просьбай размясціць свае ўклады ў банкаўскай сістэме Рэспублікі Беларусь.
А. Лукашэнка таксама даручыў Нацбанку тэрмінова ўнесці на разгляд тыя нарматыўныя дакументы, якія дадуць магчымасць Беларусі ўвайсці ў лік першых 30 краін-лідэраў у свеце па стварэнню спрыяльных умоў крэдытавання. Таму ўжо на наступным тыдні будуць унесены адпаведныя дакументы.
Як запэўніў Пётр Пракаповіч, стабільны стан нацыянальнай валюты будзе забяспечвацца ў поўным аб'ёме да канца года.
Паводле слоў кіраўніка Нацбанка, у гэтым годзе адзначаюцца беспрэцэдэнтна высокія аб'ёмы крэдытавання.
Старшыня праўлення Нацыянальнага банка асабліва падкрэсліў, што беларуская плацежная сістэма па-ранейшаму працуе ўстойліва, стабільна і без збояў.
Уклады насельніцтва за 9 месяцаў бягучага года ў параўнанні з аналагічным перыядам мінулага года павялічыліся больш як на Br2,8 трлн. Як лічыць Пётр Пракаповіч, гэта вельмі важна на фоне тых негатыўных з'яў, што адбываюцца з укладамі насельніцтва ў суседніх краінах і ў цэлым у свеце».
Гэтыя бравурныя заявы маюць на мэце супакоіць грамадзянаў і запабегчы вываду ўкладаў — банкруцтвы банкаў і цэлых краінаў ланцугом распаўсюджваюцца па свеце.
Слухаючы гэтыя заявы, думаеш: а ці даведаемся мы надалей праўдзівую статыстыку?Пасля таго як публікацыя вынікаў банкаўскага верасня, падзенне золатавалютных запасаў на 10% за адзін месяц, выклікалі трывогу ўкладчыкаў, ці не пойдуць улады на дэзінфармацыю аб стане банкаўскай сістэмы? Піяр-даклад Пракаповіча выклікае такія прадчуванні. Тым больш што аднойчы такое ўжо здаралася: на хвалі панічных настрояў напярэдадні аднаго з газавых канфліктаў з Расіяй. Тады падобная тактыка спрацавала.
-
Навумчык пра незалежнасць Беларусі: Пуцін не здольны мабілізаваць ніводнага беларуса на вайну — нацыянальныя аўтаноміі Расіі не маюць і гэтага
-
Музыканты выдаляюць сваю музыку са Spotify, бо ён спансіруе кампанію, якая вырабляе тысячы дронаў для Украіны
-
У Беларусі сёлета няма чарніц. Калі летась нарыхтоўшчыкі прынялі дзясяткі тон ягад, то сёлета — нічога
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары