Энтузіясты ладзяць дабрачынную акцыю «Газэты і часопісы» ў падтрымку выхаванцаў дзіцячага дому ў Езярышчы, што на Віцебшчыне.
Дабрачынная акцыя «Газэты і часопісы» прымеркаваная да навагодніх сьвятаў. Сутнасьць яе ў тым, каб
кожнаму выхаванцу дзіцячага дому ў Езярышчы, што на Віцебшчыне, у наступным годзе прыходзілі па пошце менавіта той часопіс ці газэта, якія яму падабаюцца.Ладзіць акцыю група энтузіястаў, якія не адносіць сябе да якіх-кольвек арганізацыяў ці рухаў.
Пры гэтым удзельнікі акцыі кіруюцца прынцыпам перадачы падарункаў непасрэдна маленькім адрасатам. Акрамя квітанцыяў на падпіску дзеткі атрымаюць навагоднія падарункі ды пабачаць сьвяточную праграму.
Паездка ў Езярышча плянуецца 20 сьнежня. Выезд а 6-й раніцы.
Як паведаміў адзін з арганізатараў дабрачыннай акцыі, кожны ахвочы дапамагчы можа падпісаць на пэўнае выданьне кагосьці з выхаванцаў дзіцячага дому, ці набыць падарунак і перадаць яго або асабіста, або праз кагосьці з арганізатараў.
Кантакты каардынатара акцыі: Вячаслаў; тэл. 8-029-333-33-37 (velcom),
E-mail:[email protected]
Адрас установы: 211580, Віцебская вобласьць, Гарадоцкі раён, г/п Езярышча, вул. Анціпава, 46/1.
Сьпіс выхаванцаў дзіцячага дому ды іх пажаданьні.
***
Дарэчы, гэтая ня першая акцыя, ладжаная для маленькіх жыхароў дзіцячага дому ў Езярышчы. У чэрвені гэтага году ў рамках акцыі «Адзеньне і абутак» кожны з выхаванцаў атрымаў камплект летняй вопраткі, набор гігіенічных сродкаў і салодкі падарунак. Акрамя таго дзеці і іх выхавацелі пабачылі байк-шоў з удзелам віцебскага байкерскага клюбу «Road Dogs».
Дзіцячы дом у Езярышчы — спэцыялізаваная ўстанова для дзетак са слабым зрокам.Тут жывуць больш за 80 выхаванцаў. Акрамя таго, пры доме дзейнічае дзіцячы прытулак, у якім дзеці ўтрымліваюцца ня больш за шэсьць месяцаў. Большасьць выхаванцаў дзіцячага дому — сіроты пры жывых бацьках.
Памёр 50-гадовы спецназавец Буцько. Ён быў удзельнікам выкрадання і забойства Захаранкі і Ганчара37
Каментары