Сайт сталічнай міліцыі паведаміў пра здарэнне на вуліцы Паўліны Мядзёлкі ў мікрараёне Навінкі, якое адбылося 1 кастрычніка.
Мінчукі паведамілі, што з кватэры даносяцца крыкі, а з вокнаў выкідваюць бутэлькі. Туды і накіраваліся міліцыянты. У кватэры знаходзілася сем чалавек, два з іх — жанчыны. Міліцыя акцэнтуе ўвагу, што ўсе яны раней прыцягваліся да крымінальнай адказнасці.
Паводле версіі міліцыянтаў, п'яная кампанія паводзіла сябе агрэсіўна і правакавала бойку.
«Супрацоўнікі неаднаразова папярэджвалі пра магчымае ўжыванне фізічнай сілы, спецыяльных сродкаў і зброі, але грамадзян гэта не спыніла.
Адзін з іх паспрабаваў завалодаць табельнай зброяй супрацоўніка міліцыі, у сілу чаго былі зроблены папераджальныя стрэлы ўбок, аднак гэтая мера не супакоіла нападнікаў, і супрацоўнік быў вымушаны зрабіць адзін стрэл у нагу нападніку», — гаворыцца ў афіцыйным паведамленні.
Цяпер мужчына з прастрэленай нагой ляжыць у бальніцы, а шасцёра яго сяброў знаходзяцца ў ізалятары на Акрэсціна.
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары