Гродзенскім студэнтам загадалі падчас Дня Волі ісці на пары або ехаць дадому
Студэнты ГрДУ расказалі Hrodna.life, што ФКіТа на час правядзення свята паставілі пары. А студэнтам матфака сказалі напісаць заяву, каб паехаць у суботу дамоў.
Студэнты кажуць, што пары па суботах былі і раней, але ў першай палове дня, а не другой. Цікава, што студэнтам ФкіТа змянілі корпус для правядзення заняткаў — з таго, што знаходзіцца на Кастрычніцкай на Леніна, які знаходзіцца далей ад правядзення Дня Волі.
Каментар у прэс-службе ўніверсітэту пакуль што ўзяць не атрымалася.
Свята адбудзецца 23 сакавіка з 13.00 да 17.00 у Каложскім парку. Святкаванне пройдзе ў фармаце фестывалю. Выступяць Dzieciuki, Лявон Вольскі, Крама, Зміцер Вайцюшкевіч і «Дай Дорогу!».
Цяпер чытаюць
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары