На X сесіі Міжпарламенцкай асамблеі Украіна-Польшча-Літва, якая завяршылася 8 чэрвеня ў Кіеве, бакі падпісалі выніковы дакумент, які змяшчае дамоўленасць аб стратэгіі 2025 і 2027 як перыяду для магчымага ўступлення Украіны ў ЕС. Пра гэта паведамляе «Еўрапейская праўда» са спасылкай на прэс-службу апарата Вярхоўнай рады.
«Мы вызначылі, што, уласна, гэты перыяд — 2025 і 2027 — гэта перыяд вялікіх шанцаў Украіны на шляху ў ЕС», — сказаў спікер ВР Андрэй Парубій.
«Гэта акно магчымасцяў для Украіны для ўступлення ў ЕС», — падкрэсліў ён, адзначыўшы, што неабходна пачынаць падрыхтоўку да гэтага ўжо цяпер на аснове стратэгіі ЕС, з улікам ініцыятывы Сейма Літвы «Украіна — 2027».
«У 2027 годзе, калі Літва будзе ў другі раз старшынстваваць у ЕС, пытанне Украіны будзе галоўным пытаннем нашага парадку дня», — запэўніў літоўскі дэпутат Андрэс Кубіюс і выказаў надзею, што тады Украіна ўжо стане членам ЕС.
Польшча і Літва — «гэта рэальныя партнёры, якія будуць спрабаваць дапамагчы Украіне адчыніць гэтыя дзверы» і матываваць да гэтага іншыя краіны, адзначыў Кубіюс.
-
Прэм'ерка Літвы: Мы не пойдзем на змякчэнне санкцый супраць Беларусі, нават калі на нас будуць ціснуць
-
Марк Рутэ абвясціў пра запуск спецыяльнай праграмы НАТА для абароны ўсходняга флангу альянсу
-
У Грузіі затрымалі грузавік з украінскім гексагенам. Ён нібыта быў прызначаны для аперацыі «Павуцінне-2»
Фіналістак конкурсу «Міс Беларусь — 2025» вывелі на сцэну ў касцюмах з цытатамі Лукашэнкі19
Каментары