Прычынай аварыі на расійскім падводным апараце назвалі праблемны акумулятар
Паводле крыніц Forbes і РБК, менавіта праблемы з адной з акумулятарных батарэй, якія забяспечвалі сілкаванне глыбакаводнага апарата, і сталі прычынай аварыі, у выніку якой загінулі 14 расійскіх маракоў.
Прычынай аварыі на сакрэтным глыбакаводным апараце Мінабароны Расіі ў Баранцавым моры, у выніку якой загінулі 14 чалавек, сталі праблемы з адной з акумулятарных батарэй, якія забяспечвалі яго электрасілкаванне, паведамляюць РБК і Forbes.
Паводле суразмоўцы ў суднабудаўнічай прамысловасці, надзвычайнае здарэнне магло адбыцца ў той момант, калі апарат паднімаўся з глыбіні ўжо непасрэдна да свайго носьбіта. Крыніца ў Мінабароны Расіі дадала, што ва ўмовах адкрытага гарэння і перабояў з электрасілкаваннем экіпаж апарата здолеў забяспечыць пад'ём і не дапусціў пашкоджання ўсталяванай на ім атамнай устаноўкі, што ў выніку дазволіла пазбегнуць больш сур'ёзных наступстваў.
Цяпер чытаюць
Маладой маме з Навагрудка далі 6 гадоў за карупцыю. Яна даказала сваю невінаватасць — але калі ўжо адседзела1
Каментары