3 лютага ў Гомелі за арганізацыю шэсця міліцыя затрымала трох актывістаў «Маладога Фронту» і аргкамітэту партыі «Беларуская хрысціянская дэмакратыя».
3 лютага ў Гомелі за арганізацыю шэсця міліцыя затрымала трох актывістаў «Маладога Фронту» і аргкамітэту партыі «Беларуская хрысціянская дэмакратыя».
У Цэнтральным РУУС падчас дагляду пікетоўцаў распранулі дагала. А потым адвезлі ў суд, дзе на іх наклалі штрафы.
На ходніку, які прылягае да Гомельскага пляцу Леніна, чацвёра маладых людзей разгарнулі бел‑чырвона‑белы сцяг і шасціметровую расцяжку.
Гаворыць удзельнік акцыі Андрусь Цянюта:
«Мы разгарнулі расцяжку: «КДБ нас з працы гоніць — хто абароніць?» Мы хацелі прыцягнуць увагу грамадскасці на тое, што ўлада, якая павінна ахоўваць сваіх грамадзянаў, звальняе людзей з працы, садзіць у турмы за іх палітычныя перакананні. Мы ішлі да аблвыканкаму. Нас затрымалі міліцыянты. І супрацоўнікі ДАІ спрабавалі затрымаць. У дачыненні асабіста да мяне склалі два адміністрацыйныя пратаколы — за супраціў міліцыі і за несанкцыянаванае шэсце».
Апавядае Васіль Токаранка:
«Я такога нідзе ў Еўропе не бачыў, каб чалавека распраналі цалкам — дагала! Распранулі дагала. У прысутнасці нейкіх асоб у цывільным мяне нават прымусілі, прабачце, трусы зняць. Вось да чаго дажыліся!»
Разам з удзельнікамі акцыі пратэсту затрыманы быў і актывіст «Беларускай хрысціянскай дэмакратыі» Кастусь Жукоўскі, які толькі здымаў акцыю на відэакамеру:
«Я ўвогуле тут ні пры чым. Улада скіравала рэпрэсіі ў іншае рэчышча. Яна пачала вялікія штрафы ні за што даваць.Улада апусцілася ўжо да таго, што хапае тых, хто здымае на сваю ўласную камеру шэсце, мітынг ці вяселле якое. Хутка, пэўна, і вяселле не здымеш. Я здымаў, як было шэсце людзей у барацьбе за свае правы. Мяне павязалі і далі агулам штраф 100 базавых велічыняў — тры з паловай мільёны рублёў. Гэта проста жах — два пратаколы склалі».
Складзеныя міліцыянтамі пратаколы ў аператыўным парадку разгледзела суддзя Цэнтральнага раёну Гомеля Марына Дамненка.
Андрэй Цянюта за несанкцыянаванае шэсце і супраціў міліцыі аштрафаваны на 2 мільёны 800 тысяч рублёў, Васіль Токаранка — на 1 мільён 750 тысяч рублёў.
Судзьдзя Дамненка не звярнула нават увагі на патрабаванне запрасіць у суд перакладчыка з расейскай мовы на беларускую альбо перадаць справу суддзі, які валодае беларускай мовай.
Цяпер чытаюць
«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў2
Каментары