Два чалавекі загінулі, яшчэ чацвёра былі шпіталізаваны ў выніку аварыі пад Кобрынам, паведамляе СК.
ДТЗ адбылося 12 кастрычніка каля 13:52 на 21-ым кіламетры трасы «Кобрын-Завужоўе». Аўтамабіль Volkswagen Golf з'ехаў у кювет, перакуліўся і стукнуўся аб прыдарожнае дрэва.
У выніку аварыі кіроўца і пасажыр памерлі на месцы здарэння. Трое дзяцей і жанчына, якія таксама знаходзіліся ў машыне, былі дастаўлены ў бальніцу.
Адзначаецца, што ў момант дарожна-транспартнага здарэння ўсе людзі, якія знаходзіліся ў аўто, не былі прышпіленыя.
Каментары