«Вы не адзінокія!» Праўладны кандыдат у дэпутаты таксама не змог сабраць людзей на сустрэчу
Праўладны кандыдат у дэпутаты, былы пасол Беларусі ў Турцыі Андрэй Савіных адрэагаваў на сітуацыю, якая адбылася з апазіцыйным кандыдатам Ігарам Барысавым.
Нагадаем, раней Барысаў напісаў, што сустрэчы з выбаршчыкамі без адміністрацыйнага рэсурсу выглядаюць прыкладна так, з мінімальнай колькасцю людзей.
У сваю чаргу Савіных напісаў у фэйсбуку:
— Ігар Барысаў, вы не адзінокія! «Шлях кандыдата не ўсланы ружамі». 6 лістапада напярэдадні доўгіх выходных, плюс лівень, мне не ўдалося сабраць людзей на сустрэчу. Мая памылка. Няправільна выбраў дзень. Але ўпэўнены, «заўтра будзе лепш, чым учора».
Каментары