Кур'ёзны выпадак у Магілёве: у пенсіянера ў аўтобусе з адзежы выпаў абрэз. Рэакцыя пасажыраў была хрэстаматыйнай
Здарэнне адбылося 15 снежня на маршруце №8, паведамляе прэс-служба міліцыі.
Пасля адпраўлення ад прыпынку «вул. Астроўскага» ў пенсіянера з адзення выпаў абрэз. Зрэагавалі двое спадарожнікаў: мужчына падабраў зброю, а непаўнагадовы хлопец патэлефанаваў у міліцыю.
Усе яны выйшлі на наступным прыпынку. Пасажыр з абрэзам накіраваўся ў двары (пазней высветлілася, каб перадаць знаходку праваахоўнікам), а пенсіянер і падлетак пайшлі за ім. Пры гэтым юнак заставаўся на тэлефоннай сувязі з дзяжурным міліцыянтам і паведамляў пра перамяшчэнні.
У выніку абрэз быў перададзены нараду Дэпартаменту аховы МУС. Пры чым пенсіянер ужо ехаў дадому, не жадаючы ўдзельнічаць у разглядзе.
Праз некалькі гадзін супрацоўнікі крымінальнага вышуку яго знайшлі. Зрабіць гэта аператыўна дапамог мабільны тэлефон, які сышчыкі знайшлі пры аглядзе салона аўтобуса.
Уладальнікам зброі аказаўся 74-гадовы мужчына. З яго слоў, ён набыў абрэз каля 30 гадоў таму на гарадскім рынку ў незнаёмца. Куплю ўвесь час захоўваў у вёсцы, дзе перыядычна выкарыстоўваў для палявання. Зараз вырашыў перавезці ў кватэру.
У сельскім доме магілёўца таксама былі знойдзеныя патроны і порах.
Міліцыя праводзіць праверку, абрэз стрэльбы накіраваны на экспертызу. Ад яе вынікаў шмат у чым будзе залежаць, да якой адказнасці будзе прыцягнуты пенсіянер.
Дзмітрый Лукашэнка хоча паставіць пад кантроль усе мабільныя тэлефоны11
Каментары