А1 аказала дабрачынную дапамогу аб'яднанню «SOS-Дзіцячыя вёскі Беларусь» у межах Венскага балю
A1 падтрымала дабрачынныя традыцыі венскіх баляў: у межах правядзення Венскага балю ў Палацы Незалежнасці кампанія аказала фінансавую дапамогу грамадскаму аб'яднанню «SOS-Дзіцячыя вёскі Беларусь». Памер дапамогі, роўны палове цаны квіткоў, якія планавалася рэалізаваць на «Венскі баль з А1 у Купалаўскім», быў вызначаны ў адпаведнасці з абавязальніцтвамі, якія раней ўзяла на сябе кампанія.
Пералічаныя кампаніяй А1 сродкі будуць накіраваны на фінансаванне дзейнасці адной з найстарэйшых недзяржаўных дабрачынных арганізацый Беларусі — грамадскага аб'яднання «SOS-Дзіцячыя вёскі Беларусь» па абароне дзяцей-сірот і дзяцей з рызыкай страты бацькоўскай апекі. У цяперашні момант гэтая арганізацыя з'яўляецца заснавальнікам трох прыватных сацыяльна-педагагічных устаноў адукацыі: «SOS-Дзіцячая вёска Бараўляны», «SOS-Дзіцячая вёска Мар'іна Горка» і «SOS-Дзіцячая вёска Магілёў».
Акрамя ўдзелу ў дабрачыннай дапамозе бенефіцыяру кампанія А1 таксама аказала садзейнічанне адбору і падрыхтоўцы дэбютантаў, якія змаглі прыняць удзел ва ўрачыстай цырымоніі адкрыцця Венскага балю ў Палацы Незалежнасці.
Венскі баль у Палацы Незалежнасці адбыўся 28 снежня 2019 года. Кампанія А1 выступіла ў якасці генеральнага партнёра падзеі.
Цяпер чытаюць
Мінчук чатыры гады трымаў у рабстве пенсіянераў і прымушаў іх прасіць міласціну. Яны ўжо памерлі8
Каментары