Парламент Ірана (Меджліс) прыняў закон, які пашырае спіс асобаў і арганізацый, прызнаных уладамі краіны тэрарыстамі. Калі ў красавіку 2019 года тэрарыстычнай арганізацыяй было прызнана толькі Цэнтральнае камандаванне Узброеных сіл ЗША (CENTCOM), то зараз аналагічны статус замацаваны за ўсёй арміяй ЗША і Пентагонам у цэлым, паведамляе РБК са спасылкай на іранскае агенцтва Fars.
Каментуючы прыняты 7 студзеня дакумент, спікер Меджліса Алі Ларыджані растлумачыў, што ў адпаведнасці з ім у спіс «тэрарыстычныя сілы» залічаны «ўсе члены Пентагона, камандзіры, агенты і іншыя асобы, адказныя за гібель генерала Сулеймані».
Агенцтва Fars удакладняе, што да ліку тэрарыстаў аднесены таксама ўсе звязаныя з Пентагонам кампаніі і ўстановы.
Цяпер чытаюць
«Заходзіш у камеру, а яны кажуць: «Мы з табой адмаўляемся сядзець». Ціханоўскі расказаў, як сутыкнуўся з праблемай нізкага статусу4
Каментары